Al cruciféss

Al cruciféss
Int la stanzia in dóvv mé a stròlg i
mî quî – a n vói brî§a ciamèrla “stûdi”
– in vatta al óss, là só pr âria, stramèz
a di arcôrd acumulè in tant ân, ai é un
vèc’ cruciféss da quâter góbbi, ón ed
quî ch’ai êra int äl scôl e int i ufézzi
póbblic. Defâti al le purté a cà mî
pèder, ch’al lavurèva al’Abadî (al
sbdèl Militèr) e mé a cradd che al fóss
stè un regâl dla mèder superiåura däl
sôr (qualli con al caplån bianc...).
La cråu§ l’é ed laggn ed fâz, tótt
tarulè, e al Crésst – un pôver Crésst ed
plâstica simil-marmo, cómm anc al
cartèl INRI – tänp indrî a l ho dstachè
par dèri una bèla §gurè, dâtosi ch’l êra
dvintè tótt naigher par la spurchézzia
acumulè in zincuant’ân ed sarvézzi.
Mé a i vói bän a cal pôver cruciféss
da pôca spai§a, brî§a parché al séppa
un sémmbol religiåu§ o un tstimòni
dla nòstra faid, mo parché al fà pèrt
dla mî cà, di mî arcôrd, pròpi cme quî
ch’ai êra a scôla, in vatta ala câtedra.
Int äl scôl comunèl, e la Scuola
Elementare Alberto Dallolio la n fèva
brî§a eceziån, prémma ed tachèr äl
leziån a gèven al Paternòster a cal
cruciféss atachè al mûr e i mî dû
cunpâgn ed religiån i§raeléttica,
Morpurgo e Lehmann, i n han mâi avó
gnént da dîr...
Adès, sta nôva lazz la stabiléss che
se par chè§o la figûra ed Ge§ó inciudè
int la cråu§ l’avéss da dèr fastîdi
(urtasse la sensibilità) anc såul a una
parså\na, bi§åggna tirèrla vî e stièvo.
Magâra st èter pâs al srà quall ed
pruibîr ed sunèr äl canpèn e brî§a
parché äl fan dal sgunbéi! Mé a n sò
se quasst al séppa giósst o democrâtic,
e la mî la n é brî§a una prai§a ed
pu§iziån puléttica o da fanâtic
religiåu§, tótt èter, però mé a cradd
ch’ai séppa arivè al mumänt ed fèr da
capîr che anc nuèter avän däl
tradiziån. Alåura mé, pr e§änpi, ai ho
murè int una néccia dal mî balcån una
bèla Madòna ed San Lócca ed
majòlica. Int l ingrès, pò, ai ho atachè
un èter ed chi quî ch’a vdèven int i
ufézzi póbblic e che pian pian i én
sparé: al quèder con só scrétta la
mutivaziån dla mdâja d ôr al valåur
militèr par la Re§istänza a Bulaggna.
Csa vlîv mâi fèri: mé a sån fât acsé,
a sån un inguarébbil nidarôl o, par
dîrel con pió eleganza, un ostinato
raccoglitore delle umane parvenze.

Fausto Carpani
Il Ponte della bionda, nòmmer 87

Stipendi da leader, il neo presidente dell'Unione europea Van Rompuy a sorpresa batte Obama

ultimo aggiornamento: 04 gennaio, ore 13:31

Londra - (Adnkronos) - L'ex premier belga, che dal primo dicembre è stato nominato presidente della Ue, incassa ogni anno poco meno di 310mila euro, il presidente degli Stati Uniti 280mila

da: ADNKronos.

Chissà se almeno verserà i contributi al Bilderberg Group...